Қазақстанда 2020 жылы жұмыссыздық деңгейі ары кетсе 6,1% құрайды. Бұл туралы ҚР Еңбек және халықты әлеуметтік қорғау министрі Біржан Нұрымбетов мәлім етті, деп хабарлйды zakon.kz тілшісі.
- Шілдеден бастап жыл соңына дейін біз еңбек нарығындағы жағдайды тұрақтандырамыз деп ойлап отырмыз. Жұмыссыздық 6,1% құрайтын болды, - деді Біржан Нұрымбетов үкімет отырысында.
Оның сөзінше, 2020 жылы 1 млн 220 мың адамды жұмыспен қамту жоспарланып отыр.
- Біз мемлекеттік бағдарламаларды, барлық әлеуетімізді пайдаланамыз. Жоспарланып отырған бағдарламалар бойынша 225 мың жұмыс орны құрылады. Қазір біз "Жұмыспен қамту жол картасымен" 6,5 мың жобаны бастап отырмыз, оның 5 мың 300-і басталып кетті, 130 мың жұмыс орны қазірге дейін ашылды. Олардың 35% – жастар, - деп қосты министр.