Қазақстан Республикасы Үкіметінің қаулысымен Ақмәди Әділұлы Сарбасов ҚР Еңбек және халықты әлеуметтік қорғау бірінші вице-министрі қызметіне тағайындалды, деп хабарлайды zakon.kz.
Сарбасов 1977 жылы қазанда Батыс Қазақстан облысында дүниеге келген.
Әл-Фараби атындағы Қазақ ұлттық университетін және Еуразиялық гуманитарлық университетін бітірген.
Еңбек жолын 1994 жылы бастаған. Осы жылдар ішінде ол ҚР Әділет министрлігі, ҚР Еңбек және халықты әлеуметтік қорғау министрлігінде түрлі лауазымда жұмыс істеді. 2017 жылдан бастап 2019 жылдың сәуіріне дейін - ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің төрағасы - Бас мемлекеттік еңбек инспекторы болды. 2019 жылдың сәуір айынан бастап қазіргі уақытқа дейін - Қазақстан Республикасы еңбек және халықты әлеуметтік қорғау вице-министрі.
