Шығыс Қазақстан облысында ауа-райының бұзылуына байланысты ескерту жарияланды, деп хабарлайды zakon.kz.
"Қазгидромет" РМК ақпараты бойынша, 5 маусымда Шығыс Қазақстан облысының кей жерлерінде найзағай ойнап, бұршақ аралас жаңбыр жаууы ықтимал. Солтүстік-батыстан соққан жел екпіні секундына 15-20, 23-28 метр жылдамдықпен ұйытқиды. Өскеменде күн күркіреп, найзағай жарқылдайды. Солтүстік-батыстан қатты жел соғады. Семейде де найзағай ойнап, бұршақ жаууы мүмкін. Солтүстік-батыстан соққан желдің екпіні секундына 15-20 метрді құрайды. 6-сынан 7 маусымға қараған түнде топырақ бетінде мұз болып, кей жерлерде 1-3 градус үсік жүруі ықтимал. Дауылдың болу ықтималдылығы - 80-90%.