Ақмола облысы бойынша Тауарлар мен қызметтердің сапасын бақылау департаменті коронавируспен ауырып, жасанды тыныс алу аппаратына қосылған науқастар жатқан ауруханадағы жан сақтау бөлімінен видео түсіріп, көпшілікке таратты, деп хабарлайды zakon.kz.
Өкінішке орай, нағыз шындық осы, делінген видео астындағы жазбада.
Бұл видео адамдардың өз денсаулығы мен жақындарының қауіпсіздігі туралы ойлануға түрткі болуы тиіс. Дәрігерлер жаңа қауіпті инфекция түрін жұқтырып алушылар саны күн өткен сайын артып бара жатқанын айтып, дабыл қағады. Бұл, әрине қарапайым санитарлық-эпидемиологиялық қауіпсіздік ережелерін сақтамауға байланысты туындауда. Өткен тәулікте республикамызда сырты сау, симптомсыз 339, ал симптомдық белгілері бар 215 коронавирус науқас тіркелді.
