Нұр-Сұлтанның бас санитарлық дәрігері Жанна Пірәлиева қалада қандай жағдайда карантиндік шаралар күшейтілуі мүмкін екенін айтты, деп хабарлайды zakon.kz.
Қаланың бас санитарлық дәрігері ретінде науқастар саны көбейген жағдайда коронавирус инфекциясының одан әрі таралуын болдырмау үшін қаладағы эпидемиологиялық жағдайды бағалай отырып, шектеулі және карантиндік шараларды қатайту туралы шешім қабылдауға мәжбүр боламын. Айналаңыздағы адамдардың өмірі мен денсаулығына немқұрайлы қарау біздің елдегі эпидемиологиялық жағдайды тұрақтандыруға мүмкіндік бермейді, - деді Жанна Пірәлиева ОКҚ брифингінде.
Ол елорданың барлық тұрғындары мен қонақтарына өміріне қауіп төндірмеу үшін көп жиналатын орындардан аулақ болуды өтінді.