Өзіндік құны арзанға түсу үшін және супертабыс көру үшін ресейлік автокөліктер ең арзан "темірден" жасалатынын әрбір азамат білуі тиіс, дейді желіде автокөлік саласының журналисі Ибраш Нүсіпбаев.
Пікір авторының сөзінше, бұған Мәскеудегі әлгі мас актердің жол-көлік апаты таза дәлел бола алады.
– Джип соққыға төтеп беріп, орташа ғана зақым алды. Ал Ресейдің "тазигі" сыраның қаңылтыр банкасы сияқты мыж-мыж болды, жүргізушісі тіпті қайтыс болып кетті. Айта кетсем, қазақстандық автопром тура осындай "тазиктер" құрастыратынын мақтан тұтады. Менің жеке пікірім: ресейлік жаңа автокөлік сатып алғанша, 90-шы жылдары жасалған неміс көлігін алған мың есе артық. Ресейлік көлік алып, жеңіл-желпі жол апатынан босқа қайтыс болып кететін жайым жоқ, дегендей жазады пост авторы.