Мәжіліс төрағасы Нұрлан Нығматулин Қазақстан Республикасы Парламенті палаталарының бірлескен отырысын шақыру туралы Өкімге қол қойды, деп хабарлайды zakon.kz.
"2020 жылы 22 маусымда Парламент Палаталарының бірлескен отырысын шақыру туралы өкімге қол қойдым. Үкіметтің және Есеп комитетінің 2019 жылғы республикалық бюджеттің атқарылуы туралы есебі тыңдалатын болады", деп жазды Мәжіліс спикері Твиттер-дегі аккаунтында.
Мәжіліс Төрағасы Нұрлан Нығматулиннің Өкімімен Парламент Палаталарының Бірлескен отырысы Қазақстан Республикасы Конституциясының 58-бабы 4-тармағының 2) тармақшасына сәйкес шақырылды.