Шығыс Қазақстан облысының Бас мемлекеттік санитариялық дәрігері М.Исмаиловтың "Шығыс Қазақстан облысы халқының арасында коронавирустық инфекция ауруының алдын алу жөніндегі шараларды одан әрі күшейту туралы" 2020 жылғы 03 шілдедегі қаулысына өзгерістер енгізілді, деп хабарлайды zakon.kz.
Шығыс Қазақстан облысында осыдан бұрын енгізілген қатаң шектеу шаралары 20 шілдеден бастап 2 тамызға дейін ұзартылды.
Шектеу іс-шараларының режимі мен мерзімдері облыс аумағында коронавирустық инфекцияның (COVID-19) таралуы бойынша ахуалдың өзгеруіне сәйкес өзгертілуі мүмкін.
Аягөз, Алтай қалаларында, Күршім, Катонқарағай, Жарма, Бесқарағай, Үржар аудандарының аудан орталықтарында қосымша енгізілген қатаң шектеу шаралары 2020 жылдың 02 тамыздағы сағат 00:00-ге дейін сақталатын болды.
Жеке түлғалармен жабық үй-жайларға, сондай-ақ қоғамдық орындар мен қоғамдық көлікке кіру қорғаныш маскаларын кию арқылы және әлеуметтік қашықтықты ескере отырып жүзеге асырылады.
Қаулының орындалуын бақылауды облыстың Бас мемлекеттік санитариялық дәрігері өзіне қалдырады.
Қаулы қол қойылған күнінен бастап күшіне енеді және оның ресми күші жойылғанға дейін қолданылады.