Экология министрлігі жаяу серуендеу туризмін дамытатын болады. Бұл туралы бүгін Орталық коммуникациялар қызметінде өткен баспасөз мәслихатында ҚР Экология, геология және табиғи ресурстар министрі Мағзұм Мирзағалиев айтты, деп хабарлайды zakon.kz.
Ол қазіргі уақытта министрлік Іле Алатауы ұлттық паркін мысалға ала отырып, еліміздегі барлық ұлттық парктерді туризм мақсатында дамытудың бас жоспарларын дайындап жатқандығын атап өтті.
- Айтпақшы, елімізде 13 ұлттық парк бар, олардың 12-сі біздің министрліктің құзыретіне кіреді. Бурабай ұлттық паркі - Президент Әкімшілігіне тиесілі. Бас жоспарда біз қазір жиі қолданып жүргендей, мейрамхана бизнесін, қонақ үй бизнесін дамытуға көңіл бөлмейміз. Біз экологиялық туризм идеясын алға тартамыз. Бұл табиғат аясында жаяу серуендеушілерге арналған жол соқпағын сала отырып, табиғат аясындағы туризмді дамыту арқылы жүзеге асырылады, - деді ол.