Елімізде туындаған жағдайға қарамастан ШҚО ПД Көші-қон қызметі басқармасы қалыпты жағжайда жұмыс істеп, мемлекеттік қызмет көрсетуін жалғастыруда, деп хабарлайды zakon.kz ШҚО ПД баспасөз қызметіне сілтеме жасап.
ШҚО Полиция департаменті Көші-қон қызметі басқармасына 31 жастағы Түркия Республикасының азаматы Қазақстан Республикасында тұрақты тұру бойынша өтінішпен жүгінген. Өз өтінішінде ол, 2019 жылы Қазақстан Республикасының азаматшасымен отбасын құрағандығын және отбасымен қосылу мақсатында Қазақстан Республикасында қалғысы келетінін білдірген.
Көші-қон қызметі тарапынан аталған шетелдіктің өтініші ескеріліп заң аясында мемлекеттік қызмет көрсету стандарттарына сәйкес, мейлінше қысқа уақытта Қазақстан Республикасында тұрақты тұру рұқсаты беріліп, шетелдіктің тұру ықтиярхатымен құжаттандырылды.
Түркия Республикасының азаматы өз кезегінде ШҚО ПД Көші-қон қызметінің жұмысын жоғары бағалап, оған отбасымен қосылуға мүмкіндік бергеніне ризашылығын білдірді.