Қазақстан Таиланд пен Грузияға рейстер ашуды жоспарлап отыр. Бұл туралы ҚР Мәдениет және спорт министрлігі Туризм индустриясы комитетінің төрағасы Дастан Рыспеков мәлімдеді, деп хабарлайды zakon.kz.
Ол 20 маусымнан бастап Түркия мен Оңтүстік Кореяға халықаралық рейстер ашылғанын еске салды. 20 маусымнан 4 шілдеге дейінгі аралықта 600-ден астам қазақстандық Түркияда демалуда.
- Өкінішке орай, эпидемиологиялық жағдайдың нашарлауына байланысты Түркияға рейстер уақытша тоқтатылды. Қазір эпидемиологиялық жағдайдың жақсарғанын ескере отырып, басқа елдермен әуе байланысын қалпына келтіру мәселелері пысықталуда, оның ішінде тамыз айында Тайланд пен Грузияға рейстер ашылады деп жоспарлануда, - деді Дастан Рыспеков Орталық коммуникациялар қызметінде өткен брифингте.
Естеріңізге сала кетейік, 3 тамыздан бастап Қазақстанда карантиндік шаралар жұмсартылады.