Аргентинада коронавирус індеті ауыздықтауға келмей жатыр, деп хабарлайды "Хабар 24".
Ақпарат көздерінің хабарлауынша, бір тәулікте 120 адам көз жұмған. Осылайша, вирус құрбандарының саны 3 мыңнан асқан.
Ал ауруға шалдыққандардың жалпы саны 161 мыңға жуықтады. Қазір Буэнос-Айрестағы ауруханаларда бос төсек жоқ. Орын тапшылығы әсіресе жансақтау бөлімінде байқалады. Жағдайдың күрделілігіне байланысты дәрігерлер жергілікті биліктен көмек сұрап жатыр.
Арнальдо Дубин, дәрігер:
– Буэнос-Айрес қаласындағы ауруханалар науқастарды қабылдауға үлгермей жатыр. Жансақтау бөлімдері лық толы. Ал жекеменшік ауруханаларда орындардың 80 пайызы толды.