Бөлім бастығы мемлекеттік органға жұмысқа орналастырғаны үшін пара алды деген күдікке ілінді, деп мәлімдеді ҚР Сыбайлас жемқорлыққа қарсы іс-қимыл агенттігінің Бірінші бөлімінің аға тергеушісі Қайсар Баржақсынов арнайы брифингте, деп хабарлайды zakon.kz.
- Шымкент қаласы ішкі мемлекеттік аудит департаментінің №2 сәйкестік аудиті бөлімінің бастығына қатысты сотқа дейінгі тергеу жүріп жатыр, - деді Баржаксынов.
Тергеушінің сөзіне қарағанда, шенеунік 2020 жылдың 27 шілдесінде "А" есімді азаматтан мемлекеттік ревизор-аудитор қызметіне тағайындалғаны үшін 15 мың доллар көлемінде ақша алды деп күдікке ілінген.