ОКК-де өткен баспасөз мәслихатында "СК-Фармация" ЖШС басқарма төрағасы Ерхат Есқалиев компания кеңсесін 10-15 пайызға және қосымша шығындарды 200 миллион теңгеге қысқартуға дайын екендігі туралы айтты, деп хабарлайды zakon.kz.
- Бірыңғай дистрибьютордың шығындарына қатысты сынға жауап ретінде компания қазір әкімшілік шығындарды оңтайландыру бойынша жұмыс тобын құрды. Кеңсені жалға алу құны 10%-ға төмендетілді. Жұмыс тобының қорытындылары бойынша, кеңсе ауданы 10-15 пайызға қысқартылады деп күтілуде, - деді Есқалиев.
Оның айтуынша, жалпы алғанда, жыл соңына дейін жалпы және әкімшілік шығыстарды қоса есептегенде, оны 200 миллион теңгеге дейінгі көлемде азайту көзделіп отыр.
- Шығындарды оңтайландыру мәселелері одан әрі пысықталып жатыр. Сонымен бірге, "СК-Фармацияның" қызмет аясы кеңейіп келе жатқанын атап өткім келеді. Компания функциясы денсаулық сақтау жүйесін мобилизациялық резервімен, бөлшек сауда желісі үшін дәрі-дәрмектерді сатып алумен, сондай-ақ гуманитарлық көмектерді қабылдау алумен толықты, - деді ол.
