Чемпиондар лигасының жаңа маусымының іріктеу кезеңінің бірінші раундында "Астанаға" қарсылас болып "Динамо Брест" түсті, деп хабарлайды zakon.kz.
Бірінші іріктеу раундының матчы 18 немесе 19 тамызда өтеді, "Астана" алдымен сырт алаңда ойнайды.
Жеңілген жағдайда "Астана" Еуропа лигасына түсіп, екінші раундтан бастап тағы іріктеуге түседі.
"Динамо Брест" Чемпиондар лигасына тұңғыш рет қатыспақ.
Айта кетсек, қазақстандық клубтар коронавирусқа байланысты қиын жағдайға тап болған жағдайда, Чемпиондар лигасы мен Еуропа лигасындағы ойындарын Грузияда өткізуі мүмкін. "Мұндай жағдайды УЕФА қарастырып жатыр", - деген Грузия футбол федерациясының президенті Леван Кобиашвилидің сөзін vesti.kz келтірген болатын.