ҚР Денсаулық сақтау министрлігінің ресми өкілі Бағдат Қожахметов ОКҚ-да өткен брифингте төтенше жағдай кезінде Мемлекеттік әлеуметтік медициналық сақтандыру жүйесінен тыс қалған ақысыз демалысқа жіберілген жаламалы жұмысшылар жайына түсінік берді, деп хабарлайды zakon.kz.
Ол егер төтенше жағдай жарияланып, адамдар оол кезде міндетті түрде үйде отыруы керек болып, адамға жалақы төленбесе және соған сәйкес MӘСҚ-ға міндетті аударым жасалмаса, онда бұл сәт міндетті түрде ескерілуі, соған байланысты жүйенің өзі азаматтардың пайдасына қайта қаралуы керек екенін атап өтті.
"Себебі бұл жүйе ел тұрғындары үшін жасалған, сондықтан бізде жүйе бар, мұны жүйе жасады, енді біз ештеңе жасай алмаймыз деп айтуға болмайды. Біз оны елге жақсы бола түсуі үшін өзгертуіміз керек. Мен бұған келісемін", - деді шенеунік.
Сонымен бірге, оның айтуынша, қазіргі уақытта міндетті медициналық сақтандыру жүйесінде шамамен 15 миллион адам бар.
"Бұл жүйеде бірнеше түрлі сандар бар. Мәселен, 15 миллионнан астам адам жүйеге тіркелген, яғни бұл кем дегенде бір рет ақша аударымын жасағандар. Бұл - өте үлкен жұмыс. Бұл сауалды МӘСҚ басшысына жеткіземін және жақын арада оған жауап беріледі", - деп уәде берді Қожахметов.
Сонымен бірге, ол төтенше жағдай мен карантиннің салдарынан жүйеден шығып қалған адамдардың МӘСҚ-ға қайта тіркеу қанша уақытты алады деген сауалға жауап бере алмады.