Ескі техниканы кәдеге жарату алымы және Үкімет қабылдаған шаралар, ең алдымен, Қазақстанда ауыл шаруашылығы техникасын өндіруді ынталандырады. Бұл туралы ҚР индустрия және инфрақұрылымдық даму министрі Бейбіт Атамқұлов ҚР Үкіметінде өткен брифингте Мемлекет басшысының Жолдауында айтылған тапсырмаларын орындауға қатысты мәселелерді түсіндіру кезінде атап өтті, деп хабарлайды zakon.kz.
"Біз Қазақстанда ауыл шаруашылығы техникасын өндіруді ынталандыра отырып, Қазақстанда жаңа өндіріс орындарын, жаңа жұмыс орындарын, білікті жұмыс орындарын құрамыз. Биылғы 28 тамызда жетекші неміс компаниясымен келісімге қол қойылды. Біз осы мақсатта 10 жылға жуық жұмыс істедік. Өте маңызды нарық. Ауыл шаруашылығы техникасы нарығында көптеген бәсекелестер бар. Көптеген брендтер біздің нарықта сұранысқа ие. Осы жылы біз жоспар құрдық. 200 комбайнды жинай бастаймыз. Ол үшін Үкімет тарапынан қолдау қажет болды. Әкімдік арнайы экономикалық аймақта алаңдармен, инфрақұрылыммен қолдау көрсетті. Келесі жылдан бастап біз 20%-дан 40%-ға дейін біртіндеп жергіліктендіру бағдарламасын қойдық", — деп атап өтті министр.
Отандық өндірушілер үшін олардың ауыл шаруашылығы өнімдеріне лизинг схемасы ұсынылады. Осы жоспар бойынша Қазақстанда 22 мың бірлік ауыл шаруашылығы техникасы ауыстырылады. Бұл жоспар алдағы үш жылға жоспарланған.
"Мен тағы да атап өткім келеді, кәдеге жарату алымына қатысты даулар көп болады. Біз бірінші кезекте отандық өндірушілерді қолдаймыз", — деді министр.
