Ресейдің Самара облысында 4 282 өзбек мигранты тағы бөгеліп қалды. Олар шекара жабық болуынан үйіне қайта алмай тұр, деп хабарлайды zakon.kz centralasian.org-ке сілтеме жасап.
Бұл жөнінде Самара облысының әкімдігі мәлім етті.
Шекара маңына шатыр құрылып, мигранттарға азық-түлік, су жеткізілген. Сонымен бірге олардың қауіпсіздігі қорғалып жатыр дейді.
Өзбекстан билігі 12-14 қыркүйек аралығында 1,5 мың азаматын пойызбен алып кеткен. Енді келесі пойыз 19 қыркүйекте келеді. Новосибирск облысына да Ташкентен пойыз жіберілген. Сонымен бірге Мәскеу, Қазан, Ростов-на-Дону, Санкт-Петербург, Екатеринбург және Новосибирскіден Өзбекстанға ұшақтар ұшып жатыр.