ҚР Денсаулық сақтау министрі Алексей Цой коронавирус тағы кеңінен бой көтерсе, Қазақстанда екінші рет төтенше жағдай режимі жариялану ықтималдылығын жоққа шығармайды, деп хабарлайды zakon.kz.
- Егер жағдай талап етсе, солай болады. Бірақ біз Қазақстандағы індетке байланысты тұрақты жағдайды сақтап қаламыз деп үміттенеміз, - деді Цой брифинг барысында БАҚ өкілдерінің сұрақтарына берген жауабында.
Ол мамандандырылған қызметтердің жұмысының, сол секілді маска кию, әлеуметтік қашықтықты сақтау, үлкен іс-шаралар өткізбеу туралы талапқа жауапкершілікпен қараушыларды арқасында күзгі-қысқы кезеңнен карантинсіз шығуға мүмкіндік бар екенін де айта кетті.
- Бірақ егер азаматтар бетперде тақпаса, адамдар көп жиналатын жерге барса және инфекция адамнан адамға жұғуына жағдай жасаса, әрине карантиндік шаралар күшейтіле береді, деп атап өтті министр.