ШҚО Полиция департаменті облыстың Бас санитарлық дәрігерінің қаулысы негізінде коронавирустық инфекцияның одан әрі таралуына жол бермеу мақсатында төменде көрсетілген орындарда санитарлық бекеттер қойылатынын мәлімдеді, деп хабарлайды zakon.kz Алтайньюс-ке сілтеме жасап.
Өскемен қаласындағы 7 санитарлық бекет мына жерлерге қойылады:
№1 бекет "Атығай асуы", "Алматы – Өскемен" тас жолы;
№2 бекет "Шығыс кенті", "Өскемен – Семей" тас жолы;
№3 бекет "Пикник дәмханасы", "Өскемен -Шемонаиха – РФ шекарасы" тас жолы;
№4 бекет "Защитаға шығу", "Өскемен -Риддер – РФ шекарасы";
№5 бекет "Степное кенті", "Өскемен – Алтай – Рахман қайнарлары" тас жолы;
№6 бекет "Шешек асуы", "Өскемен – Самар" тас жолы;
№7 бекет "Коршуново станциясы", "Өскемен -Алтай –Таулы Үлбі" тас жолы.
Айта кетейік, 1 қараша күні сағат 00:00-ден бастап Өскемен қаласында және облыста периметр бойынша санитарлық бекеттер қойылатыны жөнінде бүгін облыстық тауарлар мен қызметтердің сапасы мен қауіпсіздігін бақылау департаменті басшысының міндетін атқарушы Талғат Тұңғышбаев хабарлаған болатын.