Қазақстанда екі салық біріктіріліп төленеді, деп хабарлайды zakon.kz.
Депутаттар "Салық және бюджетке төленетін басқа да міндетті төлемдер туралы" (Салық кодексі) Қазақстан Республикасының Кодексіне өзгерістер мен толықтырулар енгізу туралы" Заң жобасын және "Салық және өзге де міндетті төлемдер туралы" Қазақстан Республикасының Кодексін қолданысқа енгізу туралы" Қазақстан Республикасының Заңын бірінші оқылымда мақұлдады.
- Заң жобасы мүлік пен жер салығын бірыңғай төлемге шоғырландыруды көздейді, яғни екі салық бірыңғай төлем ретінде төленеді. Бұл түбіртектерді толтыру мен банк жарналарын төлеу шығындарын төмендетуге мүмкіндік береді, - деді Сенат депутаты Ғұмар Дүйсембаев.
Сондай-ақ, көппәтерлі тұрғын үйдің иелері үшін жер салығы жойылады.
- Бұл салықтың шамалы мөлшерімен, есептеудің күрделілігімен және айтарлықтай әкімшілік шығындармен байланысты, - дейді депутат.