Қазақстанда көлік салығын төлеу мерзімі кейінге шегеріледі, деп хабарлайды zakon.kz.
Қазір салық төленуі тиіс жылдың соңына дейін төленеді. Енді төлем мерзімін келесі жылдың 1 сәуіріне дейін ұзарту ұсынылды, - деді Ұлттық экономика министрі Руслан Дәленов.
Сондай-ақ жеке тұлғалардың мүліктері мен жерлеріне салынатын салықтарды бір салыққа біріктіру жоспарланып отыр. Яғни екі салық бірыңғай төлем ретінде төленеді. Бұл түбіртектерді толтыру мен банк жарналарын төлеу шығындарын азайтуға мүмкіндік береді.
Депутаттар "Салық және бюджетке төленетін басқа да міндетті төлемдер туралы" (Салық кодексі) Қазақстан Республикасының Кодексіне өзгерістер мен толықтырулар енгізу туралы" Заң жобасын және "Салық және басқа да міндетті төлемдер туралы" Қазақстан Республикасының Кодексін қолданысқа енгізу туралы" Қазақстан Республикасының заңдар жобасын бірінші оқылымда мақұлдады.