Өткен түнде Алматыға 5 метр қалыңдықта қар түсті, деп хабарлайды zakon.kz.
"Алматыда 16 қараша күнгі сағ. 17.00-де жауа бастаған қар 17 қараша сағ. 04.20 шамасында тоқтады. Осы аралықта қалада 4-5 см, таулы аудандарда 8-10 см дейін қар түскен. Көктайғақтың алдын алу мақсатында қар жауа бастағаннан жолдарға, қиылыстарға, жол айрықтарға таюға қарсы материалдар себіліп, қар тазалау жұмыстары жүргізілді", делінген әкімдік хабарламасында.
Аудандық әкімдіктерде қар тазалау жұмыстарын қадағалау бойынша тәулік бойғы кезекшілік ұйымдастырылды.
Түнгі уақытта 498 бірлік техника, оның ішінде 155 құм себу көлігі, 490 жұмысшы жұмылдырылды. 17 қараша күні 549 техника мен 1298 жұмысшы жол тазалауда.
17 қараша күнгі 06.00-ге дейін жолдарға 5272 тонна көктайғаққа қарсы материал пайдаланылды.
Тротуарларды, жаяу жүргіншілер жолын, қоғамдық көлік аялдамаларын, тұрақ "қалташаларын", саябақтар мен скверлерді тазалау жұмыстары жалғасуда.
