Азия Даму Банктің Қазақстандағы жаңа директоры болып Нариман Маннапбеков тағайындалды, деп хабарлайды zakon.kz.
Ол Қазақстанның ұмтылатын әртараптандырылған экономика, инклюзивті және экологиялық тұрақты өсімін қолдауға бағытталған банктің жұмысын басқарады.
Мен экономиканы әртараптандыру, инклюзивті даму және тұрақты өсу мақсаттарын жүзеге асыру жолындағы ынтымақтастықты одан әрі кеңейту және тереңдету бойынша Қазақстандағы барлық мүдделі тараптармен жұмысымызды жалғастыруға қуаныштымын, бұл әсіресе COVID-19 салдарынан зардап шеккен ел экономикасын қалпына келтіруді жеделдету шараларын қабылдау кезеңінде өте маңызды, - деді Нариман Маннапбеков.
Нариман Маннапбеков - инвестициялық банктік, мемлекеттік және көпжақты институттарда 30 жылдан астам тәжірибесі бар экономист. 2016 жылдан бастап ол Әзірбайжандағы АДБ директоры қызметін атқарды. Содан бері ол АДБ-нің әртүрлі бөлімшелерінде жұмыс істеді және банктің Грузия, Армения және Түркменстандағы жаңа тұрақты миссияларын құруға үлкен үлес қосты.
Маннапбеков - Өзбекстан азаматы және Орталық және Батыс Азия аймақтарын жақсы біледі.Ол АДБ-ның көптеген миссияларын басқарды, соның ішінде Қазақстанға да қатысты және бұл елдің жағдайын жақсы біледі. Оның жаңа қызметінде білімі мен басқару тәжірибесі, сондай-ақ АДБ-нің саясаты мен қызметінен жете қанық болуы маңызды рөл атқарады.