Мемлекет басшысы "1994 жылғы 9 қыркүйектегі Еуразиялық патент конвенциясына Өнеркәсіптік үлгілерді қорғау туралы хаттаманы ратификациялау туралы" Қазақстан Республикасының Заңына қол қойды, деп хабарлайды zakon.kz Ақордаға сілтеме жасап.
Заң жобасы 3 қарашада Сенатта Конституциялық заңнама, сот жүйесі және құқық қорғау органдары комитетінің кеңейтілген отырысында талқыланды.
Хаттамада уағдаласушы мемлекеттердің (Қазақстан, Әзербайжан, Қырғызстан, Армения, Беларусь, Тәжікстан, Ресей, Түрікменстан) өнеркәсіптік меншікті қорғау саласындағы Еуразиялық патенттік ұйымның 1994 жылғы 9 қыркүйектегі Еуразиялық патенттік конвенциясында көзделген функцияларын кеңейтетіндігі көрсетілген.