Асқар Мамин коронавирусқа қарсы препараттардың бағасын реттеу тәртібін өзгертуге бұйрық берді, деп хабарлайды zakon.kz.
Бұған Премьер-министр бір апта уақыт берді.
"Денсаулық сақтау министрлігіне бір апта мерзімде дәрі-дәрмектің шекті құнын төмендету мақсатында коронавирусқа қарсы препараттардың бағасын реттеу тәртібін өзгерту тапсырылды. Бәсекелестікті қорғау және дамыту агенттігіне ҚР-дағы коронавирусқа қарсы препараттар құнының жоғарылауына жол бермеу мақсатында шетелдік фармацевтикалық нарықтардағы баға конъюнктурасына талдау жүргізу тапсырылды", делінген премьер-министрдің сайтында.
Айта кетсек, "қызыл аймақта" бес өңір қалып отыр: Шығыс Қазақстан, Павлодар, Қостанай, Солтүстік Қазақстан, Ақмола облыстары. "Сары аймақта" екі өңір бар: Батыс Қазақстан облысы және Нұр-Сұлтан қаласы.