"Қазгидромет" РМК деректері бойынша Солтүстік Қазақстан облысы тұрғындарына арналған дауылды ескерту жарияланды, деп хабарлайды zakon.kz.
Күндіз 21-і, тәулік бойы 22 желтоқсанда Солтүстік Қазақстан облысының басым бөлігінде қар күтіледі. 21-22 желтоқсанда кей жерлерде тұман, бұрқасын күтіледі. Батыстан, оңтүстік-батыстан жел соғады, күші 15-20 м/с, тәулік бойы 21, түнде 22 желтоқсанда екпіні 23-28 м/с күтіледі, деп ескертеді СҚО ТЖД Қоғаммен байланыс тобы.
Петропавл қаласында күндіз 21, тәулік бойы 22 желтоқсанда бұрқасын күтіледі. Батыстан, оңтүстік-батыстан жел соғады, күші 15-20 м/с, күндіз 21 желтоқсанда екпіні 23-28 м/с күтіледі.
Дауылды ескертудің ықтималдылығы 90-95%.
СҚО Төтенше жағдайлар департаменті халықтың қалыпты тіршілігін қамтамасыз ету және ТЖ алдын алу үшін шаралар қабылдауды ұсынады.