Қаржы мониторингі комитеті ағымдағы жылдың 23 желтоқсанында Қазақстан Республикасы Денсаулық сақтау министрлігінің (бұдан әрі - ҚР Денсаулық сақтау министрлігі) лауазымды және басқа тұлғаларына қатысты тергеуге кедергі келтіру фактісі бойынша ҚР ҚК 407-бабы 3-б. сәйкес сотқа дейінгі тергеуді бастады, деп хабарлайды zakon.kz ҚМ ҚМК баспасөз қызметіне сілтеме жасап.
Бұл тұлғалар қылмыстық процестің қатысушылары болып табылмай, ҚР Денсаулық сақтау министрлігінің экс-басшыларына қатысты қылмыстық іс бойынша тергеудің барысы мен нәтижелері туралы шындыққа сәйкес келмейтін ақпаратты заңсыз жинақтау, беру және жариялау арқылы тергеуге кедергі келтірген.
ҚР Қылмыстық-процессуалдық кодексінің 201-бабының 1-б. сәйкес сотқа дейінгі тергеп-тексеру барысы туралы өзге ақпарат (сотқа дейінгі тергеу деректерін жария етуге жол бермеу) жария етуге жатпайды.
