Алматы қаласы аумақтық сайлау комиссиясының төрайымы Жанна Асанова кейбір сайлау учаскелеріне бақылаушыларды неге кіргізбей қойғандығының себебін түсіндірді, деп хабарлайды zakon.kz.
ПТР-тест тапсырған компания тізімде болмағандықтан, кейбір бақылаушыларға таңертең сайлау учаскелеріне кіруіне тыйым салынды.
Қазіргі уақытта сайлау учаскелерінде туындаған дау шешіліп, жағдай реттелді. Бұл бақылаушылар сайлау процесіне жіберілді. Менің ойымша, бұл жағдай алдында қалалық денсаулық сақтау басқармасының брифингіде айтқан жағдайымен байланысты. Жалпы, сайлау процесін ұйымдастыруда біз зертханаларға қатысты талап қоймаймыз. Өйткенеі ол біздің құзыретімізге жатпайды. Сондықтан біз бас санитарлық дәрігердің шешімін басшылыққа ала отырып, тек ПТР анализін талап етеміз. Сондықтан барлық бақылаушылар, оны қай жерде өткізгеніне қарамастан, сайлау учаскелеріне жіберіледі, деп сендірді Асанова.
10 қаңтарда сағат 6.00-де бүкіл қала бойынша сайлау учаскелері ашылып, сағат 7.00-де өз жұмысын бастады. Алматыда 581 сайлау учаскесі бар. Осы сағатта қалада 4 мыңнан астам бақылаушы тіркелді.
Алматы қаласы аумақтық сайлау комиссиясының төрағасы үйде дауыс беру құқығын жүзеге асыру үшін азаматтар өздерінің сайлау учаскелеріне сағат 12.00-ге дейін өтініш беруі керек екенін еске салды. 12.00-ден кейін учаскелік сайлау комиссиясы өтініш берген сайлаушылардың мекен-жайларына аттанады.
- Жалпы, сайлау учаскелерін ашқанда көптеген өтініштер болды. Бірақ осы мәселелердің барлығы қазір шешілді, барлық мәселелер осы сағат ішінде шешілді. Сұрақтардың көпшілігі бақылаушылардың құжатына қатысты болды. Бақылаушылар өздерінің сайлау учаскелеріне жіберіліп, жұмыстарын жалғастыруда, - деді Асанова.
