ТМД бақылаушылар миссиясының жетекшісі, Ресей Федералды Жиналысының Федерация Кеңесінің қорғаныс және қауіпсіздік жөніндегі комитетінің төрағасы Виктор Бондарев Мәжіліс пен мәслихаттар сайлауы ашық, әділ, бәсекеге қабілетті және демократиялық сайлау өткізудің жалпы қабылданған қағидаттарына сәйкес өтті деп санайды, деп хабарлайды zakon.kz тілшісі.
ТМД бақылаушылары сайлау нәтижелеріне әсер етуі мүмкін заң бұзушылықтарды тіркеген жоқ. Миссия барлық деңгейдегі сайлау комиссиялары биліктің көмегімен сайлауды жоғары ұйымдастырушылық деңгейде өткізуді қамтамасыз етті деп санайды, - деді Бондарев.
Оның айтуынша, ТМД байқаушылар миссиясы Қазақстан Республикасы Парламенті Мәжілісінің депутаттарының сайлауы "көп партиялы негізде өтті, ашық, әділ, бәсекеге қабілетті және демократиялық сайлау өткізудің жалпы қабылданған қағидаттарына сәйкес келді" деген қорытындыға келді. ЕҚЫҰ Миссиясы да Қазақстандағы сайлауды мойындады, бірақ сонымен бірге миссия өкілдері сайлау үдерістерін жақсарту бойынша Қазақстан үкіметіне ұсыныстар беруге ниетті екендіктерін мәлімдеді.
