Елбасы Нұрсұлтан Назарбаев Жоғарғы Сот Кеңесінің төрағасы Талғат Донақов пен Білім және ғылым министрі Асхат Аймағамбетовті қабылдады, деп хабарлайды zakon.kz.
Талғат Донақов Нұрсұлтан Назарбаевпен кездесу барысында "100 нақты қадам" Ұлт жоспары аясында жүзеге асырылған судьяларды іріктеу жүйесін жаңғырту бойынша қабылданған шаралар туралы есеп берді.
Білім және ғылым министрімен кездесу барысында Қазақстанның Тұңғыш Президентіне білім беру саласындағы қазіргі жағдай туралы және жастардың білімі мен тәрбиесін дамыту бойынша "Nur Otan" партиясының сайлауалды тұғырнамасының бағыттарын іске асыру жоспарлары туралы хабарланды.