1 ақпаннан бастап Алматыда демалыс күндері сауда-ойын-сауық орталықтары мен базарлардың жұмысы тоқтатылады, деп хабарлайды zakon.kz.
Тиісті талап қаланың бас санитарлық дәрігерінің жаңа қаулысында айтылады.
Қарарда жұмыс күндері сауда және ойын-сауық орталықтарының, сауда үйлері мен сауда желілерінің жұмысына сағат 10.00-ден 20.00-ге дейін рұқсат етіледі,ал сенбі мен жексенбі күндері мүлде тыйым салынады, делінген.
Бұл ретте супермаркеттерінің, азық-түлік дүкендерінің және ірі сауда объектілері ғимаратында оқшау орналасқан дәріханалардың тұрақты режимде жұмыс істеуіне рұқсат, толымдылық деңгейі 30% -дан аспайды.
Сондай-ақ, жабық (азық-түлік, азық-түлік емес) базарлардың жұмысына сенбі мен жексенбі күндері тыйым салынады, ал жұмыс күндері сағат 17.00-ге дейін рұқсат.