Мәжіліс депутаты Дариға Назарбаева коронавирусқа қарсы екпе салдыртатын-салдыртпайтынын айтты, деп хабарлайды zakon.kz.
Әрине, вакцинаны міндетті түрде салдыртамын және Сізге де салдыртуға кеңес беремін, - деді Дариға Назарбаева Sputnik Қазақстан тілшісіне берген жауабында.
Сонымен қатар депутат қандай вакцина салдыртуды жоспарлап отырғандығын да айтты.
Әрине, Sputnik V вакцинасы, өйткені қазақстандық вакцина әлі тіркелген жоқ, - деді ол.
Мемлекет басшысы Қасым-Жомарт Тоқаевтың тапсырмасымен Қазақстанда 1 ақпанда еріктілер арасында вакцинациялау науқаны басталды.