2021 жылдың 9 ақпанындағы жағдай бойынша БЖЗҚ-ға уәкілетті операторлардан ("Отбасы Банкі" ТҚЖБ" АҚ және "Қазақстан Халық Банкі" АҚ) тұрғын үй жағдайларын жақсарту мақсатында біржолғы зейнетақы төлемдерін жүзеге асыруға 97 640 өтініш түсті, деп хабарлайды zakon.kz.
Оның ішінде шамамен 43,2 млрд теңге сомасына 8 294 өтініш жұмысқа қабылданды. Заң талаптарына сәйкес келмеуіне байланысты 30 200 өтініш қабылданбады.
Жалпы сомасы 322,7 млрд теңгеге 59 146 өтініш орындалды, аталған сома уәкілетті операторларға аударылып, өтініш берушілердің арнайы шоттарына есептелді. Төлемдердің орташа сомасы шамамен 5,5 млн теңге.
Республика бойынша өтініштердің ең көп саны Алматы қаласында, Нұр-Сұлтан қаласында және Маңғыстау облысында тіркелді.