Коронавирустың таралу деңгейінің көрсеткіші бойынша Алматы біртіндеп "сары" аймаққа жақындап келеді, деп хабарлайды zakon.kz.
Денсаулық сақтау министрлігі 18 ақпанда Қазақстан аймақтарындағы эпидемиологиялық жағдайды бағалау матрицасы мәліметтерін жариялады.
Жағдай келесі сипаттағыдай:
1. "Қызыл" аймақта: Павлодар облысы.
2. "Сары" аймақта: Нұр-Сұлтан қаласы, Ақмола, БҚО, Қостанай, Солтүстік Қазақстан облыстары.
3. Қалған өңірдің барлығы "жасыл" аймақта болып саналады.
31 қаңтардан бастап Алматы "жасыл" аймақта екенін атап өткен жөн.
18 ақпандағы жағдай бойынша, өткен тәулікте коронавирус инфекциясының 869 жаңа дерегі тіркелді.