2019 жылы одан кәмелетке толмаған қызын асырау үшін жалақының барлық түрінің 1/4 бөлігі мөлшерінде алимент өндірілуі туралы шешім қабылданды. Алайда ол алимент төлеген жоқ. Сондай-ақ, сот орындаушыларының сот актілерін орындау міндеттілігі туралы жазбаша хабарламалары мен ескертулеріне мүлде есеермеген, деп хабарлайды zakon.kz.
"Ол менің ұлыммен кездесіп жүрді, мен қарсы болмадым, шамамен 3 ай жүрді. Содан кейін біраз уақыттан кейін мен оның бала туып, баладан бас тартқанын білдім. Мұны маған көршілері айтты. Мен дереу ауруханаға қоңырау шалдым, олар маған ақпаратты растады. Мен ауруханаға бардым, екі күн баламен бірге жатып, оны өзіммен бірге алып кеттім. Ол нотариустың қатысуымен баладан ресми түрде бас тартты және менің ұлым әкесі екенін мойындады.
Қазір кішкентай періштеміз 2, 5 жаста. Ұлым екеуіміз тәрбиелеп отырмыз. Ол өзінің бұл ісін әлі жас және баланы тәрбиелеуге дайын емес болғандықтан жасадым деп түсіндірді бізге", - дейді әжесі.
Сотталған пробация қызметінің есебінде 2020 жылдан бастап тұр. Жазаны өтеу шарттарын үнемі бұзады және сот үкімін орындамайды. Қазіргі уақытта оған қатысты бас бостандығын шектеуді бас бостандығынан айырумен ауыстыру туралы құжаттар сотқа дайындалып жатыр - деді Үлбі ауданының аға инспекторы әділет аға лейтенанты Арай Оразханова.