Күткендегідей, Ресейде кешегі ЕО келісіміне байланысты истерика басталды – Брюссельдің мұнысынан түк те шықпайды, бізді санкциямен қорқыта алмайсың деген сияқты, дейді сарапшы Қуаныш Еділхантегі.
Сұрақ: егер санкциядан қорықпайтын болса онда истерика (сасқанынан қояншығы қозу) неге керек? Елемеген болып отыра бер, кім қарсы?
Сондай-ақ Байденнің Мюнхенде сөйлеген сөзіне қарсы истерика жалғасып жатыр. РАН-ның АҚШ және Канада институтының бас ғылми қызметкері Владимир Васильев: "Байден "қызыл сызықтан" өтіп кетті, ол Путиннің жеке басына тиісіп бастады, мұндай жағдай СССР мен қырғи-қабақ соғысы кезінде де орын алған жоқ", деді. Мен баяндаманың аудармасын қарап шықтым, онда ешқандай да Путиннің жеке басына тиіскен ештеңе де байқамадым. Шамасы Ресейді конференцияға шақырмай, оны демократ елдердің басты қарсыласы дегенді айтып отырған болуы керек, ал ол шындық екені көпшілікке аян және шақырмағаны дұрыс болған.
Сондай-ақ кешегі АҚШ Жоғарғы Сот шешіміне де Трамп истерикаға ұрынып жатыр. "Мені саяси қудалап жатыр" деп мәлімдеме таратыпты. Салық декларациясын тапсыру міндеті ғой онсыз да, оттаған әңгіме ғой, айқайлай берсін, дейді пост авторы.
