Таяу күндері тұрғындарға Қарағанды фармацевтикалық кешенінде өндірілген COVID-19 вирусына қарсы "Спутник V" вакцинасы егіле бастайды. Осылай деп дәрі-дәрмек тарататын бірыңғай дистрибьютор "СК-Фармация" баспасөз хатшысы Серік Мұқашев хабарлады, дейді Орталық Азияның жаңалықтар қызметі.
Оның сөзінше, 23 ақпанда жұмыс сапарымен Қазақстанның вице-премьері Ералы Тоғжанов келеді. Оның қатысуымен вакцинаны жүкке тиейді.
Ертең аймақтарға жіберуге дайындық басталады. Барлығы 90 мың дана. Бұл Қазақстанда өндірілген бірінші вакцина. "СК-Фармацияның" төрт хабы - Нұр-Сұлтан, Алматы, Шымкент және Ақтөбе қалаларына жеткізіледі. Ол жақтан басқа аймақтарға жіберіледі, - деді Серік Мұқашев.
