Маңғыстау облысында ірі мұнай кен орны табылды, деп хабарлайды zakon.kz.
Жаңа кен орны бірден екі ауданның - Маңғыстау мен Бейнеудің аумағында орналасқан Тепке учаскесінде болып табылады. Оған жақын маңда бұрыннан белгілі Қарақұдық, Арыстановшы және Комсомолшы сынды кен орындары бар.
Зерттеу талдаулары бойынша, мұндағы мұнай - жеңіл, стандартты әдістермен шығаруға қолайлы. Көмірсутектер қоры ұңғыма құрылысы мен игеру жұмысы аяқталған соң есептелетін болады. Жаңа кен орнына аты аңызға айналған барлаушы-геолог, бас мұнайшы Халел Өзбекғалиевтің есімі берілді.
