Нұрсұлтан Назарбаев Алматыдағы әуе апатына байланысты көңіл айтты, деп хабарлайды zakon.kz.
Елбасы сайты хабарлағандай, Қазақстанның Тұңғыш Президенті АН-26 әскери ұшағы апатынан қаза тапқандардың отбасылары мен жақындарына көңіл айтты.
"Алматы әуежайында ұшақтың апатқа ұшырауы салдарынан адам шығыны орын алғаны туралы суыт хабарды қайғыра қабыл алдым. Қаза тапқан әскери қызметкерлердің отбасыларына және жақындарына қайғыларына ортақтаса отырып көңіл айтамын және зардап шеккендердің тезірек сауығып, отбасыларына аман-есен оралуын тілеймін", - делінген Елбасының жеделхатында.