Түркістан облысында ем-дом қабылдап жатқан науқастар шағым айтуда. Олардың сөзінше, өңірдегі аурухананың бірінде жәндіктер өріп жүр. Палатадағы жағдайды видеоға түсіріп алып, әлеуметтік желіде жариялаған, деп хабарлайды zakon.kz Еуразия бірінші арнасына сілтеме жасап.
Бұл районный больница. Светіміз жоқ. Мынау жүрген тарақандар. Төсегімізде жүр. Не масқара мынау. Вальске шақырып жатыр қайта-қайта бізді.
Операциядан жаңа ғана шыққан тұрғындар ашық жараға тарақандар кіріп кете ме деп қорқып, дабыл қағуда. Ал, Түркістан облыстық денсаулық сақтау басқармасындағылар жағдайды былай түсіндірді.
Дана Сүлейменова, облыстық қоғамдық денсаулық сақтау басқармасының баспасөз хатшысы:
Әлеуметтік желідегі жарияланған бейнежазбаға тоқталатын болсақ, бүгінде Түркістан қалалық ауруханасында тарақандарға қарсы арнайы дезинфекциялық шаралар жүргізіліп жатыр. Біріншіден, ол науқастарға зиян келмейтіндей, барлық талаптар сақталынатын болады. Екіншіден бұл проблемамен қайта бетпе-бет келмес үшін түпкілікті жою мақсатында аурухананың басшылығымен бұл қатаң қадағалануда болады.