Қазақстандық сарапшы Айдар Махметов венесуэлалық Эбер Рондонмен (20-1, 13 КО) жекпе-жекке шығып, жеңіске жеткен Тұрсынбай Құлахметтің (3-0, 2 КО) қанша ақша тапқанын айтты, деп хабарлайды zakon.kz Sports.kz-ке сілтеме жасап.
Қазақстандық боксшы Тұрсынбай Құлахметтің проф-рингтегі үшінші жекпе-жегі үшін алатын табысы 210 000 долларды құрады. 70 секунд ішінде тапты, негізі, жаман табыс емес! - деп жазды Махметов өзінің MakhmetovSport Телеграмм-арнасында.
Айта кетсек, Тұрсынбай Құлахмет Эбер Рондонды бірінші раундта небәрі 70 секундта нокаутқа жіберген болатын. Бұл жеңіс 27 жастағы қазақстандыққа кіші орта салмақтағы WBC International чемпиондық белбеуін сәтті қорғауға мүмкіндік берді.
