Көліктегі полиция қызметкерлері бір жолаушыны Ақтөбе-Алматы бағытындағы пойыздан түсіріп тастады, деп хабарлайды zakon.kz.
Көліктегі ПД баспасөз қызметінің хабарлауынша, Түлкібас станциясында 50 жастағы ер адамды пойыздан түсіріп кетті. Пойыз вагондарының бірінде Қызылорда облысының мас тұрғыны бұтына "жіберіп" қойған.
Сонымен қатар, ол өзін дөрекі ұстап, басқа жолаушыларға айбат шеккен және ескертулерді елемеген. Медициналық сараптаманың қорытындысына сәйкес, ер адамға орташа алкогольдік масаңдық диагнозы қойылған. Құқық бұзушыға қатысты полицейлер ҚР ӘҚБтК-нің 434 және 440-баптарының 1-бөлігі, яғни "Ұсақ бұзақылық және алкогольдік ішімдік тұтыну немесе қоғамдық орында мас күйінде болу" бойынша екі хаттама толтырып, 5 АЕК көлемінде айыппұл салды, деп хабарлады полициядағылар.
Ұсақ бұзақылық туралы материал Қызылорда облысының Арал аудандық сотына жолданды.
