Елбасы Ресей Федерациясының президенті Владимир Путинге Татарстан астанасындағы мектепке адам өліміне әкеліп соққан қарулы шабуылға байланысты көңіл айту жеделхатын жолдады, деп хабарлайды zakon.kz.
"Қазан қаласында №175 мектептегі қайғылы оқиға салдарынан балалар мен ересектердің қаза тапқаны туралы қайғылы хабарды зор күйзеліспен қабыл алдым. Қайғыларымен бөлісе отырып, қаза тапқандардың отбасыларына және жақындарына шын жүректен көңіл айтамын. Зардап шеккендердің тезірек сауығып, отбасыларына оралуын тілеймін", - делінген жеделхатта.
11 мамырда Қазанда атыс болды.
4 ұл мен 3 қыз бала мектептегі атыс құрбаны болды, ауруханада 16 адам (12 бала және 4 ересек адам) жатыр, - деді Татарстан президенті Рустам Минниханов.