Қуанышты хабар Иордания астанасында өтіп жатқан Азия квалификациялық жарысынан келіп жетті, деп хабарлайды zakon.kz ҚР Ұлттық паралимпиадалық комитетінің баспасөз қызметіне сілтеме жасап..
Ол жерде Қазақстандық паралимпиадашылар Нышан Өмірәлі ерлер арасында 75 келіде және Камила Ақылбай әйелдер арасында 58 келіге дейінгі салмақ дәрежелерінде жеңімпаз атанып, жолдамаға ие болды. Әдеттегі жарыстарда К-43 санатында өнер көрсетіп жүрген қос спортшымыз да Токиода паралимпиада ойындарының ережелеріне сай К-44 санатында бақ сынамақ.
Еске сала кетсек, былтырғы жылдың қаңтар айында паралимпиадашылар арасында ең алғашқы болып жолдамаға ие болған пара таеквондошы Нурлан Домбаев болған еді. Жалпы есепте Токиода 3 пара таеквондошымыз бақ сынамақ.
