Еліміздегі жасөспірімдердің өз-өзіне қол жұмсауының себептері аталды, деп хабарлайды zakon.kz.
ҚР Ішкі істер министрлігінің баспасөз қызметі жасөспірімдер арасында өз-өзіне қол жұмсау оқиғалары, өкінішке орай, сиремей тұрғанын мәлімдеді.
Себептер әртүрлі. Туыстық қатынастардағы дүрдараздық әрбір үшінші жағдайды құрайды, өзін жалғыз сезінуі - 12%, достарымен қарым-қатынастың бұзылуы - 10%, оқу орнындағы жанжалдар, қолайсыз қаржылық жағдай - 3%, делінген министрліктің хабарламасында.
Министрліктің хабарлауынша, 2021 жылы кәмелетке толмағандар арасында 248 өз-өзіне қол жұмсау әрекеті тіркелді.
164 кәмелетке толмаған бала құтқарылды. Өкінішке қарай, 84-і қайтыс болды, - дейді ҚР ІІМ.