ҚР Тұңғыш Президенті - "Самұрық-Қазына" ұлттық әл-ауқат қоры" АҚ Басқармасының төрағасы Нұрсұлтан Назарбаев қордың Басқарма төрағасы Алмасадам Сатқалиев пен "Лукойл" мұнай компаниясының президенті Вагит Алекперовты қабылдады, деп хабарлайды zakon.kz.
Кездесу барысында мұнай-газ саласындағы ынтымақтастықты дамыту мәселелері және инвестициялық жобаларды іске асыру жоспарлары талқыланды. Бұл туралы Елбасының баспасөз қызметі хабарлады.
"Сіздің компания - Қазақстанда бұрыннан келе жатқан әрі ірі инвестордың бірі. Теңіз, Қарашығанақ сияқты ірі кен орындарында жұмыс істейсіздер, Каспий құбыр консорциумының инфрақұрылымдық жобасына қатысудасыздар", - деді "Самұрық-Қазына" ҰӘҚ басқару кеңесінің төрағасы.
Вагит Алекперов Елбасыға бірлескен жобалар, соның ішінде Каспий теңізіндегі бірқатар кен орындарын игеру арқылы Қазақстан экономикасына бағытталатын инвестиция көлемін ұлғайту жөніндегі жоспарлары туралы айтты.