Қазақстанда ақша айырбастау пункттеріне 2017 жылға дейін шығарылған алтын құймаларды сатып алуға рұқсат берілді, деп хабарлайды zakon.kz.
Қазақстанда қолма-қол шетел валютасымен ақша айырбастау операцияларын жүзеге асыру ережелеріне енгізілген өзгеріс пен түзетулерге сәйкес, банктік емес ақша айырбастау пункттеріне Ұлттық Банк шығарған 2017 жылға дейін тазартылған алтын құймаларын халықтан сатып алу құқығы берілді, делінген қаржылық реттеу органы хабарламасында.
Жаңа ереже 2 маусымда өз күшіне енді.
Бұрын банктік емес ақша айырбастау пункттері халықтан тек 2017 жылы және одан кейін шығарылған алтын құймаларын сатып алып, сатып келген.