ҚР Энергетика министрі Нұрлан Ноғаев Беларусь еліне алғашқы мұнай тасымалы қашан жүзеге асырылатынын айтты, деп хабарлайды zakon.kz тілшісі.
Ол екі ел арасындағы мұнай мен мұнай өнімдерін жеткізу туралы келісімге Беларусь Республикасы Премьер-министрі Роман Головченконың Қазақстанға сапары кезінде қол қойылғанын еске салды. Бірақ келісімге қосымша қажет тиісті құжатты ратификациялау қажет.
Біз сол келісімді ратификациялауымыз керек және Парламент ратификациялағаннан кейін біз Беларусь Республикасына жеткізуге болатын индикативті жоспар мен тауарлардың тізімін жасаймыз. Сонымен қатар ол арада мұнай өнімдерінің түрлері мен көлемі талқыланады, - деді Энергетика министрі Орталық басқару орталығында өткен брифингте.
Министр қазақстандық мұнайды жеткізу ісі қазан-қараша айларында басталатынын нақтылады.
Бүгін VII шақырылған Қазақстан Парламентінің бірінші сессиясы жұмысын аяқтады. Күзде Парламент жұмысын бастаған кезде біз бұл қосымша құжатты ратификациялауға жібереміз, - деді Ноғаев.
