Александр Винокуров Астана велокомандасындағы қызметіне оралатыны белгілі болды, деп хабарлайды zakon.kz.
"Астана" велокомандасының 2022 жылғы әлемдік турнирге қатысатыны нақты белгілі болды. Қазақстандық серіктестер жобаны алдағы жыл бойына да акционер және бас демеуші ретінде қолдауды жалғастыратынын растады. Александр Винокуров 2022 жылы команданың спорт жетекшісі қызметіне қайта оралып, велошабандоздар мен қызметкерлер құрамын жасақтаудан бастап, жобаның барлық спорттық қызметтерін үйлестіруді қолға алады, делінген astanapremiertech.com хабарламасында.
Айта кетсек, маусым айында Александр Винокуров "Тур де Франсқа" бірнеше күн қалғанда "Астана" клубындағы қызметінен кеткені туралы ақпарат тараған еді.